«Arlandardyń» fınaldaǵy qarsylastary belgili boldy
ASTANA. QazAqparat - Qazaqstandyq klýb «Astana arlandarynyń» Búkilálemdik boks serııasynyń (WSB) fınalynda judyryqtasatyn qarsylastary belgili boldy, dep habarlaıdy QazAqparat tilshisi.
Olar kýbalyq «Kýba Domadores» komandasynyń boksshylary. «Kýba Domadores» Gavanada ótken qarymta kezdesýde kolýmbııalyqtardy 5:0 esebimen oısyrata utty. Osylaısha kýbalyqtar qos kezdesýdiń nátıjesi boıynsha 7:3 esebimen basym túsip, fınalǵa joldama aldy. Alǵashqy synda «Kolýmbııa Heroıkos» komandasy sál basymdyqpen jeńiske jetken edi.
Al «Astana arlandary» WSB jartylaı fınalynyń qarymta kezdesýin Londonda brıtanııalyq «Brıtısh Laınharts» ujymyna qarsy ótkizip, qos jekpe-jektiń qorytyndysy boıynsha 7:3 esebimen basym túsip, fınalǵa shyqqan bolatyn.
Endi fınalda otandastarymyz «Kýba Domadorespen» chempıondyq ataqqa talasady.
