«Arlandar» men «Ózbek jolbarystary» arasyndaǵy aıqasqa shyǵatyn boksshylar anyqtaldy
ASTANA. QazAqparat - Qazaqstandyq «Astana arlandary» men «Ózbek jolbarystary» komandalarynyń arasynda ótetin aldaǵy jekpe-jekte sharshy alańǵa shyǵatyn boksshylar tizimi belgili boldy, dep habarlaıdy QazAqparat tilshisi.
«Astana arlandary» namysyn Temirtas Júsipov (49 keli), Іlııas Súleımenov (56 keli), Dilmurat Mıjıtov (64 keli), Saparbaı Aıdarov (75 keli), Anton Pınchýk (91 keli) qorǵaıtyn bolady.
Al ózbekter sapynda Hasanboı Dýsmatov (49 keli), Abdýlhaı Sharahmatov (56 keli), Elnýr Abdýraımov (64 keli), Isroıl Madrımov (75 keli), Zýhrıddın Mahkamov (91 keli) bizdiń boksshylarǵa qarsy judyryqtasady.
Esterińizge sala ketsek, eki komandanyń boksshylary Búkilálemdik boks serııasynyń ekinshi aınalymynda Taldyqorǵanda kezdesip, 4:1 esebimen «Arlandar» jeńiske jetken bolatyn.
Endigi kezdesý 1 sáýir kúni Ózbekstanda ótedi. Jarys Astana ýaqytymen saǵat 18:00-de bastalady. «Habar» arnasy bul sharany tikeleı efırde kórsetpek.
