«Arlan» jaýyngeri sambodan ótken álem chempıonatynyń kúmis júldegeri atandy

dep habarlaıdy ishki ister departamentiniń baspasóz qyzmeti.

Sambo jáne jaýyngerlik sambonyń álem chempıonaty Vılnıýs qalasynda 11-13 qarasha kúnderi ótken bolatyn.

Polıtsııanyń aǵa leıtenanty Almas Súleımen - halyqaralyq sport sheberi, sambodan Qazaqstan qurama komandasynyń múshesi, 2011 jyly naýryzda Máskeýde ótken álemniń sýper kýbogi jolyndaǵy jarystyń qola medal ıegeri.

Almas Súleımen 2008 jyldan beri Arlan arnaıy bólimshesiniń ınspektory.

«Almas Qyrǵyzstan, Ýkraına, Moldova elderiniń sportshylarymen bolǵan tartysty jekpe-jekterde jeńimpaz atandy, alaıda fınalda eki dúrkin álem chempıony, halyqaralyq sport sheberi reseılik Anatolıı Stıshakqa birneshe upaılar boıynsha jol berip, kúmis medal oljalady»,- delingen ІІD-niń baspasóz qyzmetiniń habarlamasynda.