«Arlan» shaıbaly hokkeıden Kontınentaldyq kýbogynda kimdermen oınaıdy

ASTANA. KAZINFORM - Qazaqstandyq «Arlan» komandasynyń shaıbaly hokkeıden Kontınentaldyq kýbok oıyndaryndaǵy qarsylastary belgili boldy.

Halyqaralyq hokkeı federatsııasy 2024/2025 jyldardaǵy maýsymda Kontınentaldyq kýbokta oınaıtyn komandalar quramyn jarııalady.

Atalǵan týrnırge elimizdiń qazirgi chempıony kókshetaýlyq «Arlan» komandasy qatysýǵa múmkindik aldy. Olar 15-17 qarasha aralyǵynda jarystyń úshinshi irikteý kezeńinde E tobynda «Kardıff» (Ulybrıtanııa), «Jılına» (Slovakııa) komandalarymen kezdesedi. Olardyń taǵy bir qarsylasy S tobyndaǵy oıyndar nátıjesi arqyly bolady. Bul toptaǵy komandalar 18-20 qazan aralyǵynda oınaıdy.

Aıta ketsek, Kontınentaldyq kýboktyń ótken maýsymynda astanalyq «Nomad» komandasy jeńimpaz atanǵan edi.

Qurlyqtyq kýbok Halyqaralyq shaıbaly hokkeı federatsııasy aıasynda 1997 jyldan beri turaqty túrde ótkizilip keledi. Qazirge deıin elimizdiń atynan qatysqan Kókshetaýdyń «Arlan» komandasy 2018/2019 jylǵy týrnırde bas júldeni jeńip aldy.

Ár jyldarda «Beıbarys» (Atyraý), «Saryarqa» (Qaraǵandy), «Nomad» (Astana) ekinshi orynǵa jaıǵassa, «Qaztsınk-Torpedo» (Óskemen) qola júldeger atanǵan edi.