«Arlan» Qazaqstan chempıonatynda jeńimpaz atanýǵa jaqyn

ASTANA. KAZINFORM - Kókshetaýlyq «Arlan» shaıbaly hokkeıden Qazaqstan chempıonaty pleı-off satysynyń fınaldyq kezeńinde úshinshi oıyn qatarynan óskemendik «Torpedodan» basym tústi.

Búgingi oıynda kókshetaýlyq komanda tizgindi qolǵa ustaýǵa tyrysty. Nátıjesinde olardyń qatarynan Danıl Paramonov 6, 8-mınýtta eki márte kózge tússe, 21-mınýtta Vladımır Borovkov esepti ústemeleı tústi.

Oǵan «Torpedo» sapynan Ilıa Klıaýzov 53, Evgenıı Sýlımov 59-mınýtta eki golmen jaýap qaıyrdy. 

Osylaısha «Arlan» qarsylasynan 3:2 esebimen asym túsip, pleı-off satysyndaǵy jaǵdaıyn jaqsarta tústi. 

Kókshetaýlyq klýb budan buryn atalǵan qarsylasynan eki márte (6:3, 9:2) basym túsken edi. Endi 15 sáýirde jeńiske jetse, «Arlan» Qazaqstan chempıonatynyń bıylǵy jeńimpazy atanady.
Qazaqstan chempıonaty 1992 jyldan beri turaqty túrde ótkizilip keledi. Qazirge deıin jeńimpaz ataǵyna óskemendik «Torpedo» 13 márte ıe bolsa, odan keıin «Beıbarys» (Atyraý) - 4, «Ertis» (Pavlodar) men «Saryarqa» - 3, «Barys» (Astana), «Nomad» (Astana), «Arlan» (Kókshetaý) -2,«Qazaqmys» (Sátpaev) pen «Bolat» (Temirtaý) -1 márte jeńis tuǵyryna kóterildi.

Eske salsaq, budan buryn álem chempıonatynda hokkeıden Qazaqstan áıelder quramasy ekinshi márte jeńildi.