«Arlan» hokkeıshileri Qurlyqaralyq kýboktyń fınalyna shyqty
KÓKShETAÝ. QazAqparat - Kókshetaýdyń «Arlan» hokkeı klýby Frantsııanyń Lıon qalasynda ótken Qurlyqaralyq kýboktyń toptyq kezeńinde jeńiske jetip, fınalǵa joldamany jeńip aldy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń málimetinshe, bul osydan 9 jyl buryn qurylǵan komandanyń IIHF qoldaýymen ótetin halyqaralyq jarysqa birinshi ret qatysýy. Sondyqtan, bul - «Arlan» hokkeı klýbynyń oblystaǵy jankúıerleri úshin ǵana emes, jalpy respýblıka úshin eleýli oqıǵa.
«D» tobynda óner kórsetken kókshetaýlyqtar alǵashqy oıyndy 17 qarashada jergilikti «Lıon» komandasymen ótkizip, aıdyn ıelerin 2:3 esep aıyrmasymen tize búktirgen edi. Alań ıelerimen bolǵan match tartysty ótti. Kezdesýdiń negizgi ýaqyty 1:1 bolyp teń aıaqtaldy. Al, býllıt boıynsha jerlesterimiz 2:3 esebimen alań ıelerinen jeńisti julyp áketti. «Arlandyqtar» tarapynan Petrov, Mıtskevıch jáne Malevıch kózge tústi. Budan keıin jerlesterimiz Latvııanyń «Kýrbads» komandasyn overtaımda 4:3, Belarýstyń «Gomel» komandasyn 3:0 esebimen aıqyn basymdyqpen utty.
Endi qańtardyń 11-13 aralyǵynda ótetin fınal oıyndarynda «arlandyqtar» Polsha, Irlandııa jáne Belarýs elderiniń «Katovıtse», «Belfast Djaıants», «Gomel» komandalarymen kezdesedi.
