«Arlan» hokkeıden Qazaqstan chempıonaty fınalyna shyqty

ASTANA. KAZINFORM — Shaıbaly hokkeıden Qazaqstan chempıonaty fınalyna joldama alǵan alǵashqy komanda anyqtaldy.

Kókshetaýlyq «Arlan» pleı-off satysyndaǵy ½ fınalda qaraǵandylyq «Shahterdi» 7:1 esebimen tize búktirdi. Osylaısha olar tórtinshi márte jeńiske jetip, fınalǵa shyqty.

«Arlan» Qazaqstan chempıonaty turaqty kezeńinde jeńimpaz atanǵan edi. Vladımır Markelovtiń shákirtteri 36 oıynnan keıin 59 upaı jınady. 

Sondaı-aq kókshetaýlyq komanda ótken maýsymda Qazaqstan chempıonaty pleı-off satysynda jeńis tuǵyryna kóterilgen edi. Olar fınalda elordalyq «Nomad» klýbynan jalpy serııada 4:1 esebimen basym tústi.

Bıyl taǵy bir jartylaı fınalda «Torpedo» (Óskemen) men «Hýmo» (Ózbekstan) komandalary kezdesip jatyr. Ázirge jalpy serııada 3:3 esebi tirkelgen. Jeńimpaz 3 sáýir kúni anyqtalady.

Eske salsaq, budan buryn shaıbaly hokkeıden Qazaqstan áıelder quramasy álem chempıonatyna daıyndyǵyn bastady.