Arktıkalyq sýyq jel Qazaqstannyń soltústigi men batysynda aýa raıynyń buzylýyna ákep soǵady - 14 qyrkúıekke arnalǵan aýa raıy boljamy
ASTANA. 13 qyrkúıek. QazAqparat - Arktıkalyq sýyq jel 14 qyrkúıekte Qazaqstannyń soltústigi men batysynda aýa raıynyń buzylýyna ákep soǵady, dep habarlady Qazgıdrometke silteme jasaı otyryp, QR TJM-niń baspasóz qyzmeti.
Esterińizge sala keteıik, buǵan deıin habarlanǵandaı, 12-14 qyrkúıekte Aqmola, Soltústik Qazaqstan oblystarynda aýa temperatýrasy 2-7 gradýs jylylyqqa deıin kúrt tómendeıdi, kúndiz 10-15, keı jerlerde 20 gradýsty kórsetedi. Keıbir jerlerde 15-20 m/s jyldamdyqpen jel soǵady.
Oǵan qosa 12-14 qyrkúıekte Aqtóbe oblysynda, 13-14 qyrkúıekte Qaraǵandy oblysynda, 14 qyrkúıekte Shyǵys Qazaqstan oblysynda aýa temperatýrasy 0-2 gradýsqa deıin sýytady.
13-15 qyrkúıekte túnde Qostanaı, 15-16 qyrkúıekte Soltústik Qazaqstan, Aqmola, Qaraǵandy, Pavlodar, Shyǵys Qazaqstan oblystarynda keı jerlerde 0-2 gradýsqa deıin kún sýytady.
Qostanaı, Aqmola, Qaraǵandy, Pavlodar, kúndiz Aqtóbe, Shyǵys Qazaqstan oblystarynda keı jerlerde 15-20 m/s jyldamdyqpen jel soǵady.
Túnde Qaraǵandy oblysynda birqatar jerlerde aýa temperatýrasy 0-2 gradýsqa deıin tómendep, kún sýytady dep kútilýde. Respýblıkanyń ońtústik jáne ońtústik-shyǵysynda tótenshe joǵary órt qaýpi saqtalady.
Aldaǵy táýlikterde respýblıkanyń ońtústik-shyǵys jáne shyǵysyndaǵy taýly ózenderde sý deńgeıiniń aýytqýshylyǵy baıqalady.
