Arktıkadaǵy muzdyń erýi baıaýlady
ASTANA. QazAqparat - Muzdy qurlyqtan kóńil kónshiterlik jańalyq kelip jetti. Arktıkadaǵy muzdy qabattyń kólemi burynǵysynan artty, dep habarlaıdy 24.kz.
Bul týraly málimdegen ǵalymdar muzdyń erýi 2013 jylǵy salqyn jazdyń saldarynan báseńdegenin aıtty. Al oǵan deıin Jer betiniń eń sýyq bóliginde muz qatarynan 3 jyl boıy erigen eken. Mamandardyń aıtýynsha, sońǵy 30 jylda Arktıkada aýa temperatýrasy ǵalamshardyń ózge jerlerine qaraǵanda joǵaryraq kóterilip, muz qabaty 40%-ǵa kemigen. Endi ǵalymdardy teńizdegi muzdyń azaıýy tolǵandyrýda, dep jazady informing.ru.
