Arktıkadaǵy muz alańy eń tómengi deńgeıdiń birine jetti
ASTANA. QazAqparat - Bıylǵy jyly arktıkalyq muz alańy ǵarysh serigi kómegimen óńirdi ǵylymı baqylaǵan 36-jyldyq tarıhta eń tómengi deńgeıdiń birine jetip, 5,02 mln. sharshy metrge deıin tartyldy.
Mundaı derekterdi NASA jáne Kolorado shtaty Ýnıversıtetiniń janyndaǵy Ulttyq muz jáne qar týraly derekter ortalyǵy keltirgen, dep habarlady ITAR-TASS.
Ǵaryshtan alǵan túsirilimderdi paıdalanyp, amerıkalyq ǵalymdar 1 qańtardaǵy jaǵdaı boıynsha Arktıkadaǵy muz alańy 2013 jylmen salystyrǵanda sál ǵana azaıǵanyn baıqady. Alaıda, ótken jyldaǵydaı ol 1981-2010 jyldarda tirkelgen ortasha kórsetkish - 6,22 mln. sharshy metrden áldeqaıda tómen.
Ǵalymdar Arktıka taıaý onjyldyqta 13 paıyz muzyn joǵaltqanyn aıtýda. Bul úrdiske basty sebep jahandyq jylyný bolyp tabylady. Kóptegen mamandardyń pikirinshe, bul aýaǵa kómir qyshqyl gazynyń taraýynan týyndaǵan.
Osy taqyrypty zertteýshi ǵalymdar Arktıkalyq keńes bastamasymen óńirde muzdyń budan ári erýi onda tirshilik etetin aq aıý, ıtbalyqtar men basqa da janýarlardyń joǵalyp ketýine ákeletinin birneshe márte eskertken.
