Arktıkadaǵy aýa temperatýrasy 115 jyldyń ishinde eń joǵary kórsetkishke jetti
ASTANA. QazAqparat - Arktıkadaǵy aýa temperatýrasy 1900 jyldan beri eń joǵary kórsetkishke jetti, delingen AQSh muhıt jáne atmosferalyq zertteýler Ulttyq basqarmasynyń (NOAA) jyl saıynǵy baıandamasynda.
Zertteýlerge sáıkes, bul aımaqtaǵy aýa temperatýrasy 2014 jyldyń qazan aıynan bastap 2015 jyldyń qyrkúıegi aralyǵynda Tselsıı boıynsha ortasha kórsetkishterden 1,3 gradýsqa joǵary boldy.
«Arktıkadaǵy jylymyq álemniń basqa jerlerinen eki ese tez júrip jatyr», - dep málim etti NOAA ǵalymy Rık Spınred.
«Biz sondaı-aq Arktıkada bolyp jatqan jaǵdaıdyń Arktıkamen ǵana shektelmeıtinin bilip otyrmyz», - dep atap ótti ol.
Baıandamada muzdyń erýi morjdardyń tirshilik etý ortasynyń joıylýyna jáne balyqtardyń keıbir túrleriniń soltústikke qaraı jyljýyna ákelip soqtyratyny jazylǵan.
Buǵan deıin Arktıkadaǵy muzdyń aýdany 35 jyldyń ishinde eki ese qysqarǵany habarlanǵan edi.
