Arktıkada meshit salynýda

Qurylysshylar sýyq klımat jaǵdaıynda ári táýligine 22-23 saǵat aýyz bekitken kúıi ter tógip, meshit turǵyzýda, dep habarlanǵan «Nur Astana» meshitiniń saıtynda. Nýnavýt Islam qoǵamdastyǵy bas hatshysy Muhamed Hasan jumysshylarmen suhbattasýy kezinde olar táýlik boıy oraza ustap, qurylys júrgizýde qıyndyq túspeıtindigin aıtqan. «22-23 saǵat boıy aýyz bekitýge daǵdylanǵan soń asa aýyrlyq sezinbeısiń», - deıdi musylman uıymynyń prezıdenti Saıd Asıf Álı. Kanadanyń soltústigindegi Inývık qalasynda táýliktiń 24 saǵaty jaryq bolady. Degenmen, elde beıresmı túrde Mekke ýaqyty qoldanylyp, 9 saǵattyq aıyrmashylyqqa baılanysty kún túnge «aýysady». Jergilikti halyq Mekke ýaqytymen aýyz bekitip, osyndaı ýaqyt kóleminde qulshylyq jasaıdy.