Arktıkada 170 jyl buryn sýǵa ketken tanymal keme tabyldy
ASTANA. QazAqparat - Zertteýshiler Soltústik Muzdy muhıt arqyly soltústik-batys ótkelin izdegen brıtandyq Djon Franklınniń ekspedıtsııasyndaǵy «Terror» kemesin tapty, dep habarlaıdy RIA Novostı.
"Erebýs" jáne "Terror" kemelerine mingen brıtandyq teńiz ofıtseri Djon Franklınniń jetekshiligindegi joǵalǵan ekspedıtsııa Atlant muhıtynan Tynyq muhıtyna Arktıka arqyly jol ashpaq bolǵan. Franklın jáne onyń ekıpajy - 128 teńizshi 1845 jyldyń mamyr aıynda Brıtanııadan júzip ketken. Sol jyly tamyz aıynda olar týraly sońǵy habar kelgen jáne ekspedıtsııanyń keıingi taǵdyry belgisiz.
Jeksenbi kúni Arctic Research Foundation zertteý uıymynyń mamandary qashyqtyqtan basqarylatyn súńgýir qaıyq kómegimen arktıkalyq shyǵanaqtardyń birine batyp ketken ekinshi kemeni tapty.
«Biz kaıýt-kompanııaǵa kire aldyq, birneshe kaıýtada boldyq. Azyq-túlik qoımasyna baryp, konserv qutysyn jáne eki bótelke sharap taptyq. Ústelder men sóreler bos. Qozǵalatyn jáshikteri bar ústel taptyq», - dedi Martin Bergmann zertteý kemesindegi uıym jetekshileriniń biri.
Amerıkalyq jazýshy Den Sımmonstyń tanymal «Terror» romany Djon Franklınniń joǵalǵan ekspedıtsııasyna arnalǵan.
