Arktıka úsh ese tez jylynyp barady: Dúnıejúzilik meteouıym eskertý jasady

ASTANA. KAZINFORM — BUU Dúnıejúzilik meteorologııalyq uıymynyń jańa esebine sáıkes, 2025–2029 jyldar aralyǵynda jahandyq ortasha temperatýra rekordtyq deńgeıde nemese soǵan jaqyn bolady, dep jazdy Kazinform agenttiginiń menshikti tilshisi.

Bul kezeńde jyl saıynǵy temperatýra ındýstrııaǵa deıingi deńgeıden 1,2–1,9°C joǵary bolady. 1,5°C-tan asý yqtımaldyǵy — 70%. Mundaı jylyný qurǵaqshylyq, ystyq tolqyndar, muzdyqtardyń erýi men teńiz deńgeıiniń kóterilýi sııaqty klımattyq qaterlerdi kúsheıtedi.

Álemdik ortasha temperatýra 2025–2029 jyldar aralyǵynda rekordtyq nemese soǵan jaqyn deńgeıde bolady dep boljanyp otyr. Bul kezeńde temperatýra ındýstrııaǵa deıingi kezeńmen salystyrǵanda 1,2–1,9°C joǵary bolýy múmkin. Parıj kelisimi boıynsha 1,5°C sheginen asý yqtımaldyǵy — 70%. Arktıkada jylyný ortasha álemdik kórsetkishten 3,5 ese jyldam júredi. Bul klımattyq ózgerister ystyq tolqyndar, qurǵaqshylyq pen teńiz deńgeıiniń kóterilýi sııaqty qaterlerdi kúsheıtedi. Bul qoǵamǵa, ekonomıkaǵa jáne ekojúıelerge eleýli keri áser etedi.

— Biz tarıhtaǵy eń jyly on jyldy bastan ótkerdik. Ókinishke qaraı, DMU baıandamasy aldaǵy jyldarda eshqandaı tynym joq ekenin kórsetedi, ıaǵnı bizdiń ekonomıkamyzǵa, kúndelikti ómirimizge, ekojúıelerimizge jáne planetamyzǵa keri áserler kóbeıe beredi, - dedi DMU Bas hatshysynyń orynbasary Ko Barret.

Eske sala keteıik, buǵan deıin jahandyq jylynýǵa baılanysty Jerdiń aınalýy baıaýlaǵanyn jazǵan edik.