Árkimniń eńbek etý quqyǵy konstıtýtsııalyq deńgeıde bekitiledi - depýtat

ASTANA. KAZINFORM — Jańa Konstıtýtsııa jobasynda mamannyń ózin-ózi qalyptastyrýyna jáne kásibı ósýine kepildik berilgen. Bul týraly Konstıtýtsııalyq reforma jónindegi komıssııanyń otyrysynda Májilis depýtaty Maksım Rojın málim etti.

- Depýtattar óńirlerge saparmen barǵanda, óndiris oryndarynda jumysshylarmen kezdesedi. Sol kezde áńgime naqty máseleler aınalasynda órbıdi. Bul rette óndiris qaýipsizdigi, ádil jalaqy, tozyǵy jetken jabdyq, tólenbeıtin artyq jumys saǵaty, óz quqyǵyn qorǵaý máselesi kóterilip jatady. Búginde komıssııada talqylanyp jatqan jańa Konstıtýtsııanyń normalary dál osy adamdar úshin naqty mańyzǵa ıe. Eńbek adamy - ekonomıkanyń quraly emes, memlekettiń - basty qundylyǵy. Jańa Konstıtýtsııa jobasynyń negizgi ıdeıasy - memleket úshin qymbaty óndiris kólemi nemese paıda emes, adamnyń ózi. Jobada árkimniń eńbek etýi, qaýipsiz jaǵdaıda jumys isteýi, ádil jalaqy alý quqyǵy konstıtýtsııalyq deńgeıde bekitiledi, - dedi Maksım Rojın.

Osy oraıda ol jańa Ata zań jobasynda bul máselege tikeleı qatysty mańyzdy jańalyqtar bar ekenin atap ótti. Quqyqtyq júıede eńbekqorlyq pen eńbekke qurmet qundylyqtaryn bekitý, bul jaı ǵana ıdeologııalyq uran emes. Bul – áleýmettik turaqtylyq pen árbir adamnyń jeke qadir-qasıetiniń berik irgetasy.

- Memlekettiń eńbek etý quqyǵyn Konstıtýtsııalyq deńgeıde bekitýi - eńbek adamyn ekonomıkalyq jáne qoǵamdyq ómirdiń belsendi qatysýshy retinde moıyndaýynyń kórinisi. Bul, eń aldymen, erteńgi kúnge degen senim, mamannyń ózin-ózi qalyptastyrýyna jáne kásibı ósýine jiger beredi, - dedi depýtat.

Budan buryn habarlanǵandaı, Kazinform agenttiginiń qazaq jáne orys tilindegi Telegram arnasynda Konstıtýtsııalyq komıssııa otyrysynan mátin translıatsııasy bolady.