Árkim halyq kóp jınalatyn jerden boıyn aýlaq ustaýy tıis – túrkistandyq memqyzmetker
TÚRKІSTAN. QazAqparat – Túrkistan oblysy, Qazyǵurt aýdandyq ishki saıasat bóliminiń bastyǵy Abaı Serkebaev elimizdegi epıdemıologııalyq ahýal kýrt nasharlap ketkenin aıtady. Onyń sózinshe, qazirgideı qıyn sátte elde karantındik shekteý sharalaryn engizbese bolmaıdy, dep habarlaıdy QazAqparat tilshisi.
«Dúnıejúzilik densaýlyq saqtaý uıymy Qazaqstandy koronovırýs tez taralyp jatqan elder qataryna qosty. Óıtkeni elimizde indet juqtyrǵandar sany kúnnen kúnge ósip otyr. Sondyqtan qaýiptiń aldyn alý úshin árbir adam halyq kóp jınalatyn jerden boıyn aýlaq ustaýy qajet. Kóshede beı-bereket júrmeý, betperdesiz ýıden shykpaý tárizdi saqtyq sharalaryn ustaný jóninde halyq arasynda túsindirme jýmystaryn qaıta-qaıta júrgizý qajet. Árıne, árkim óz densaýlyǵyna ózi jaýapty. Dese de jaǵdaıǵa túsinistikpen qarap, bir birimizge qoldaý kórsetsek, aty jaman indetten erterek qutylatynymyz anyq. Eń bastysy ýreıge boı aldyrmaı, sanıtarlyq talaptardy qatań saqtaǵanymyz jón. Qıyn kýnder áli de artta qalady dep senemiz. Saqtyq sharalaryn bárimiz ózimizden bastaıyq. Tártipke baǵynaıyq. Densaýlyq-basty baılyq ekenin áste esten shyǵarmaıyq»,- deıdi Abaı Serkebaev.
