Arqar kópiri 17 tamyzǵa deıin ishinara jabylady
ASTANA.KAZINFORM — Astana qalasynyń Kólik jáne jol-kólik ınfraqurylymyn damytý basqarmasy Arqar kópirinde (M1) deformatsııalyq tigisti jóndeý jumysyn júrgizedi. Bul týraly elorda ákimdiginiń baspasóz qyzmeti málim etti.
Osyǵan baılanysty, 11-17 tamyz aralyǵynda kólik qozǵalysy ishinara shekteletin bolady.
Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Buǵan deıin Astanada Qalqaman kóshesinen Saraıshyq kóshesine deıingi Qabanbaı batyr dańǵylynyń ýchaskesinde jóndeý jumystarynyń júrgizilýine baılanysty atalǵan ýchaskede kólik qozǵalysy ishinara jabylatynyn jazdyq.
