Arkanzastyń 116 jastaǵy turǵyny AQSh-taǵy eń jasy úlken adam atandy
ASTANA. QazAqparat - Amerıkalyq Kemden (Arkanzas shtaty) qalasynyń turǵyny Gertrýda Ýıver juma kúni 116 jasqa tolyp, syılyqqa keneldi.
Gerontologııalyq zertteý toby resmı túrde ony AQSh-taǵy eń qart adam dep jarııalady. Málimet boıynsha, álemde ol ekinshi kári adam. Birinshi orynda amerıkalyqtan nebári 4 aı úlken Japonııa turǵyny - Mısao Okave.
Ýıverde týý týraly kýálik joq. Alaıda, gerontologııalyq zertteý toby 1900 jyly jasalǵan AQSh turǵyndar sanaǵyn zerttedi. Onda sol jyly Ýıver 2 jasta bolǵany jazylǵan. Osylaısha, onyń 1898 jyly dúnıege kelgeni resmı túrde rastaldy.
Ýıver Arkanzastyń ońtústik batysynda týǵan. 1915 jyly 17 jasynda turmys qurǵan. Ýıver - 4 balanyń anasy. Búgingi kúni tórt balanyń bireýi ǵana tiri. Ol 93 jasta. Óziniń 116-shy týǵan kúnin Ýıver qarttar úıinde toılaýǵa májbúr boldy.
