Arqanmen qyzyn dárethanaǵa túsirgen: Almaty oblysynda 2 bala qutqaryldy

TALǴAR. QazAqparat – Almaty oblysynda dárethanadan eki bala qutqaryldy, dep habarlaıdy QazAqparat Tótenshe jaǵdaılar mınıstrligine silteme jasap.

«28 shilde kúni saǵat 18.45-de Almaty oblysy TJD kezekshi bólimine Talǵar aýdanynyń Amangeldi aýylyndaǵy Ál-Farabı kóshesinde bala dárethanaǵa qulap ketkeni týraly habarlama tústi.

Oqıǵa ornyna Almaty oblysy TJD qyzmetkerleri dereý attandy. Órt sóndirý bóliminen qashyqtyq 8 km boldy.
Oqıǵa ornyna kelgennen keıin anyqtalǵandaı, 2020 jyly týǵan bala qazylǵan shuńqyrǵa (dárethanaǵa) qulap, ákesi ony qutqarý úshin arqannyń kómegimen 2013 jyly týǵan qyzyn shuńqyrǵa túsirgen. Biraq eki balany óz betinshe kóterip shyǵara

Almaty oblysy TJD 3 qyzmetkeri men tehnıkasy kúshimen saǵat 18.54-te balalar shuńqyrdan shyǵaryldy», - delingen málimette.

Balalarǵa jedel medıtsınalyq járdem brıgadasy alǵashqy medıtsınalyq kómek kórsetken.