«Arqankergen» shekara qosynynda mert bolǵan eki jambyldyqtyń ata-analary Astanaǵa, máıitti tanýǵa keldi
TARAZ. 5 maýsym. QazAqparat - «Arqankergen» shekara qosynynda qaza tapqan eki jambyldyqtyń ata-analary Astanaǵa, máıitti taný úshin keldi, dep habarlady Jambyl oblysy ákiminiń baspasóz qyzmeti.
«Qazirgi ýaqytta eki shekarashynyń týǵan-týystary Astanaǵa jol júrip ketti, sol jerge mert bolǵandardyń máıitteri jetkizilip, genetıkalyq saraptama ótkizilýde. 2 shekarashy Jambyl oblysynan shaqyrylǵan bolatyn», - dedi óńir ákiminiń baspasóz hatshysy Asqar Jáldinov.
Onyń sózine qaraǵanda, tabylǵan máıitter jambyldyq áskerılerge tıesili ekendigi anyqtalǵan jaǵdaıda, olardyń esimderi men fotolary jarııalanatyn bolady.
Buǵan deıin habarlaǵanymyzdaı, 30 mamyrda QR UQK shekara qyzmetiniń "Shyǵys" óńirlik basqarmasy Úsharal shekara otrıady "Sary bókter" zastavasynyń narıady taýda jazǵy ýaqytta órtengen 15 shekarashy qyzmet atqaratyn "Arqankergen" shekara qosynynyń ústinen shyqqan. Onda janyp ketken 14 shekarashy men bir qoryqshynyń múrdesi tabylǵan bolatyn.
4 shekarashy Atyraý oblysynan, 3-ýi Almaty oblysynan, eki ekiden Aqtóbe jáne Qaraǵandy, Jambyl oblystarynan shaqyrtylǵan, bir-bir adamnan Batys Qazaqstan men Pavlodar oblystarynan bolǵan.
Qazirgi ýaqytta Elbasynyń tapsyrmasymen arnaıy komıssııa «Arqankergen» shekara qosynynda oryn alǵan qaıǵyly oqıǵany tekserýde. Bas áskerı prokýratýra qylmystyq is qozǵady, tekserý jumystaryna ІІM, UQK jáne Bas prokýratýranyń tájirıbeli qyzmetkerleri tartyldy.
Úkimet qaza bolǵandardyń otbasylaryna qajetti kómek pen qoldaý kórsetýde.
