«Arqankergen» shekara beketindegi qaıǵyly oqıǵa - qoǵam úshin qaýipsizdikti saqtaýdyń mańyzdy ekendigin kórsetti - QHA úndeýi
Qurmetti otandastar!
Búgin Qazaqstan Respýblıkasynyń Prezıdenti N.Á.Nazarbaev «Arqankergen» shekara beketindegi shekarashylardyń qaıǵyly qazaǵa ushyraýyna baılanysty Qazaqstanda ulttyq aza tutý kúnin jarııalady.
Memleket basshysy oryn alǵan oqıǵany terrorıstik akti dep atady.
Qazir oqıǵanyń anyq-qanyǵyn tergeý júrgizilýde, kináliler tıisti jazasyn alatyn bolady.
Bul qaıǵyly jaǵdaı elimizdi aıaǵynan tik turǵyzdy, turaqtylyq, beıbitshilik jáne kelisim qundylyqtarynyń qanshalyqty qymbat ekenin taǵy da kórsetti.
Barsha Qazaqstan halqy qazaly qaıǵyǵa qaıǵyryp, oryn alǵan oqıǵany aýyr qabyldady, biz bul azaly jaǵdaıdyń bárimizge de qatysty ekenin tereń túsinemiz.
«Arqankergen» shekara beketinde oryn alǵan qaıǵyly oqıǵa - Elbasymyzdyń memleket pen qoǵamnyń tynyshtyǵyn, azamattardyń qaýipsizdigin saqtaýdaǵy qajyrly eńbeginiń mańyzyn anyqtap berdi.
El shebin qorǵap, Qazaqstan halqynyń qaýipsizdigi úshin qyzmet ete júrip shekarashylar osyndaı eldik qundylyqtar úshin janyn qıdy.
Olar Qazaqstandaǵy beıbitshilik pen jarqyn keleshek úshin ózderiniń jas ómirin pıda etti.
Búgin biz osy qaıǵyly oqıǵada qaza bolǵandardy eske alyp, olardyń arýaqtary aldynda taǵzym etemiz.
Qazaqstan halqy Assambleıasy qaza tapqandardyń otbasylaryna, jaqyndaryna orny tolmas qaıǵylaryna ortaqtasyp kóńil aıtady.
Astana qalasy, 5 maýsym 2012 jyl.
Qazaqstan halqy Assambleıasynyń Keńesi
