Arqalyqtyń qutqarýshylary batpaqqa batqan 7 ózbekstandyqty alyp shyqty
QOSTANAI. QazAqparat - Qutqarýshylar Arqalyq qalasynyń janynda batpaqta turyp qalǵan ózbekstandyqtar mingen kólikti shyǵardy, dep habarlaıdy QazAqparat QR ІІM TJK baspasóz qyzmetine silteme jasap.
Oqıǵa Arqalyq qalasynan 80 shaqyrym jerde bolǵan. Jezqazǵan qalasyna baǵyt alǵan «Mercedes-Benz Vito» kóligi batpaqta turyp qalǵan.
«2018 jyldyń 7 qarashasy kúni saǵat 17.00-de Arqalyq qalasy Soltústik óńirlik aeromobıldi utqyr jasaǵyna Terisaqqan ózeniniń janyndaǵy jolda avtokóliginiń turyp qalǵany týraly habar kelip tústi. Kóliktiń nómiri Qyrǵyz memleketine tıesili ekeni anyqtaldy», - delingen QR ІІM TJK baspasóz habarlamasynda.
Kólikte 7ózbek azamaty bolǵan. Olardyń 3-eýi - bala. Sondaı-aq, olar naqty mekenjaılaryn aıta almaǵan.
Arqalyq qutqarýshylary kólikti izdeýge 5 saǵat 50 mınýt jumsady. «Mercedes-Benz Vito» Terisaqqan ózeniniń mańyndaǵy ótkelden tabyldy. Kólik batpaqqa batyp bara jatqan jerden shyǵaryldy.
Jolaýshylar Arqalyq qalasyna jetkizildi, medıtsınalyq kómekke júgingen joq. Óz kezeginde olar qutqarýshylarǵa alǵystaryn bildirdi.
