Arqalyqtyq jeke kásipkerdi nemere inisi tonamaq bop, tutyldy
ASTANA. 11 shilde. QazAqparat - Qostanaılyq jedel ýákilder 35 jastaǵy jeke kásipkerdiń úıine jasalǵan qaraqshylyq shabýyl qylmysyn «izin sýytpaı» ashty.
Bul týraly búgin aptalyq brıfıngte atalǵan vedomstvonyń resmı ókili Nurdildá Oraz málim etti.
Onyń atap ótýinshe, betperde kıgen úsh adam Arqalyq qalasyndaǵy jábirlenýshiniń úıine basa kóktep kirip, ony uryp-soqqany jáne aqshalaı qarajattaryn ıelenbekshi bolǵandary anyqtaldy. Alaıda, jábirlenýshiniń belsendi túrde qarsylyq kórsetetinin kútpegen kúdiktiler bas saýǵalaýǵa májbúr bolyp, izderin jasyrǵan.
«Sol kúni qabyldanǵan jedel-izdestirý is-sharalary barysynda elordanyń úsh turǵyny ustaldy. Olardyń bireýi jábirlenýshiniń nemere inisi bolyp shyqty.
Kúdiktiler ýaqytsha ustaý abaqtysyna qamaýǵa alyndy. Tergeý júrgizilýde»,- dedi N.Oraz.
