Arqalyqty damytý: Et kombınaty iske qosylady
QOSTANAI. QazAqparat - Arqalyqta jumys saparymen júrgen oblys basshysy Arhımed Muhambetov qalada salynyp jatqan et kombınatynyń qurylys barysymen tanysty, dep habarlaıdy QazAqparat.
Arqalyq qalasynyń ákimi Amantaı Balǵarınniń sózinshe, óńirdegi eń iri et kombınaty bıyl tamyz aıyna deıin iske qosylady. Joba quny 900 mln teńge. Qazir nysanda 60 qurylysshy jumys istep jatyr.
«Aldaǵy ýaqytta kombınatta 120 adam turaqty jumys isteıtin bolady. Buǵan keleshekte Arqalyq mańyndaǵy aýyldar men Amangeldi, Jankeldın, Naýyrzym aýdandarynan et ákelip tapsyratyn bolady. Sondaı-aq, kórshiles Qaraǵandy men Aqmola oblysynyń aýdandary da qyzyǵýshylyq tanytyp otyr», - dedi Balǵarın.
Arhımed Muhambetov 2020 jylǵa deıin oblystaǵy et eksporty kólemin 6 myń tonnaǵa jetkizý kerektigin basa aıtty. Bul turǵyda óńirdegi taýar óndirýshilerdiń qarqyny kóńil qýantady. Aıta ketý kerek, 2015 jyly Qostanaı oblysy shet elderge nebári 190 tonna et jóneltken eken. Belgili bolǵandaı, Jankeldın aýdanynda da et qabyldaý pýnkti ashylmaq.
