Arqalyqtan shalǵaı kólde qamalyp qalǵan balyqshylar qutqaryldy
ASTANA. QazAqparat - 24 qańtarda Soltústik óńirlik aeroutqyr jedel-qutqarý jasaǵynyń kezekshi bólimine boran kezinde Arqalyq qalasynan 90 shaqyrym jerdegi «Beken» sýqoımasynda balyqshylardyń qalyp qoıǵany jóninde habar kelip túsken.
Arqalyq qalasy qutqarý bólimshesiniń qutqarýshylary GT-TB arnaıy tehnıkasymen kólge bet aldy. Qutqarýshylar bes adamdy jáne olardyń qar basyp qalǵan eki avtokóligin taýyp aldy, dep habarlaıdy TJK-nyń baspasóz qyzmeti.
Qarda qamalyp qalǵandardyń kólden alystap ketýge múmkindikteri bolmaǵan. Qutqarýshylar avto kólikterdi qardan shyǵaryp, qaýipsiz jerge deıin súıretip jetkizdi.
Zardap shekkender Arqalyq qalasyna aman-esen evakýatsııalandy, olardyń jaǵdaılary jaqsy.
Soltústik óńirlik aeroutqyr jedel-qutqarý jasaǵy jergilikti turǵyndarǵa qarly burqasyn kezinde mekenderinen alysqa saparǵa shyǵýdy keıinge qaldyrýdy jáne jolda muqııat bolýdy suraıdy.
