Arqalyqta jumystan bosatylǵan kásiporyn dırektory sot arqyly qyzmetine oraldy
ASTANA. QazAqparat - Qyzmetinen zańsyz bosatylǵan «Sharýashalyq -A» QMM dırektory sot arqyly óziniń qyzmetin qaıtaryp aldy, dep habarlaıdy Qostanaı oblystyq sotynyń baspasóz qyzmeti.
Áıel adam sotqa «Arqalyq qalalyq ákiminiń apparaty» MM-nyń ústinen jumystan bosatý týraly buıryqty joıýdy jáne jumysyn qaıtaryp alýdy surap shaǵym túsiredi. Ol 2010-2016 jyldary «Sharýashalyq-A» JShS dırektory bolyp jumys isteıdi. Keıin atalmysh mekeme taratylyp, onyń negizinde «Sharýashylyq -A» QMM qurylady. Ol osy jerde de óziniń basshylyq qyzmetin atqara beredi. 2017 jyldyń 18 naýryz kúni ol jumysynyń teris nátıjelerine baılanysty jumystan bosatylatyny týraly habarlandyrý alady. Sondaı-aq jumystan shyǵarylý týraly buıryq keledi.
Eńbek zańnamasynyń normalaryna sáıkes, áıel birneshe kún buryn eskertý alýy kerek bolǵan. Sotta onyń jumysynyń teris nátıjelerine baılanysty dálelelder keltirilmegen. Osy jaǵdaıdy eskerip, sot azamatshany zańsyz jumystan bosatty dep tanydy. Sottyń úkimimen, ol mekeme dırektory qyzmetin qaıtaryp aldy.
Májbúrli jumystan qalǵan ýaqyty úshin sot onyń paıdasyna 247 myń teńge kóleminde jalaqy óndirip berdi. Sottyń úkimi zańdy kúshine engen joq.
