Arqalyqta jolaýshylar avtobýsy qar qursaýynda qalyp qoıǵan
QOSTANAI. QazAqparat - Soltústik óńirlik aeromobıldi jedel-qutqarý jasaǵynyń qutqarýshylary 14 adam men 4 tehnıkany qar qursaýynan shyǵardy, dep habarlaıdy QazAqparat oblystyq TJD baspasóz qyzmetine silteme jasap.
«Arqalyq - Ashýtasty» jolynda 11 jolaýshy mingen PAZ reıstik avtobýsy qar qursaýynda qaldy. Onyń ishinde 5 áıel bolǵan.
«Jedel-qutqarý jasaǵynyń kúshimen toqtap qalǵan avtobýs tazartylǵan jolǵa shyǵaryldy. Boran saldarynan Arqalyq qalasyna qaraı ótetin joldy qar basyp qalǵan. Sondyqtan avtobýs Ashýtasty aýylyna qaıta oraldy. Qutqarýshylar shynjyr tabandy tartqysh arqyly «ÝAZ» avtokóligimen Arqalyq qalasyna 11 adamdy aman-esen jetkizdi»,- deıdi departament ókilderi.
Ashýtasty aýylyna kele jatqan jolda qutqarýshylar qar qursaýynda qalǵan 3 jeńil avtokólikke kómek kórsetti.
Eske salsaq, jaqynda Qostanaı oblysynda qar qursaýynda qalǵan 12 balyqshy qutqarylǵan bolatyn. 
