Arqalyqta jalyndaǵan úıden 5 bala qutqaryldy
QOSTANAI. QazAqparat - Arqalyqta órtenip jatqan kópqabatty úıden 40 adam evakýatsııalandy, dep habarlaıdy QazAqparat tilshisi.
«Páterdiń esigi men ishtegi gaz ballony jandy. Qutqarýshylar 40 adamdy qaýipsiz jerge kóshirdi. Onyń ishinde 5 bala bar. Aldyn ala boljam boıynsha, órt gaz ballony redýktorynyń aqaýynan shyqqan», - dedi oblystyq Tótenshe jaǵdaılar departamentiniń baspasóz hatshysy Ýálıhan Dosanov.
Qutqarýshylardyń málimetinshe, órtten zardap shekkender joq.
