Arqalyqta úsh meshit saýdaǵa qoıyldy

QOSTANAI. QazAqparat - Arqalyq bıznesmeni Bolat Ábdibekov óz ıeligindegi úsh meshitti saýdaǵa qoıdy, dep habarlaıdy QazAqparat jergilikti «Qostanaıskıe novostı» basylymyna silteme jasap.

Basylymnyń jazýynsha, Ábdibekov - «Quralaı» qurylys kompanııasynyń ıesi. Onyń kompanııasy jergilikti bıliktiń tapsyrmasy boıynsha úsh meshit salǵan. Qurylys 1992 jyldan 1999 jylǵa deıin júrgizilgen.

Alaıda, tapsyrys berýshiler qurylys kompanııasyna tıesili qarajatty tólemegen. Kópke sozylǵan sot otyrystarynda daý týdyrǵan. Ǵımarattardy Ábdibekovtyń ıeligine kóshirý sheshimi qabyldandy. Birneshe jyldan keıin ol bir meshitti satatynyn, al 2013 jyly eki meshitti satatynyn habarlaǵan.

Dinı baǵytta paıdalanýǵa arnalǵan úsh ǵımaratty da satatyny týraly qazir belgili bolyp otyr. Qazir jyljymaıtyn múlikterdi satý boıynsha onlaın-resýrstarda usynylǵan baǵasy tómendegideı: Arqalyqtaǵy meshittiń quny - 180 mıllıon teńge, Amantoǵaı kentindegi meshittiń baǵasy 50 mıllıon teńge, Torǵaı kentindegi Alla úıiniń baǵasy 94 myń AQSh dollary. Satýshy baǵany túsirýge daıyn ekenin aıtty.