Arqalyqta sot oryndaýshysy tárkilengen 4 tonna dızel otynyn paıdalanǵan
ASTANA. QazAqparat - Arqalyq qalalyq sotyna QR QK 361-baby 2-bólimi boıynsha (laýazymdyq ókilettikterin teris paıdalaný) 50 jastaǵy D. degen azamatshaǵa qatysty sybaılas jemqorlyq sıpattaǵy qylmystyq is tústi, dep habarlady Qostanaı oblystyq sotynyń baspasóz qyzmeti.
Іs materıaldaryna sáıkes 2014-2015 jyldary Arqalyq qalasynda D. sot aktilerin oryndaý boıynsha aýmaqtyq bólimniń basshysy bola tura memlekettik qyzmet jáne memlekettik basqarýǵa qarsy sybaılas jemqorlyq qylmys jasaǵan.
2014 jylǵy 29 qańtarda D. 3, 975 tonna mólsherinde dızel otynyn tárkileý bóligin oryndaý úshin «Tala-Oil» JShS-ǵa qatysty ákimshilik is boıynsha Arqalyq qalalyq sotynyń qaýlysyn aldy. Osy mán-jaıdy paıdalana otyryp, D. osy dızel otynyn úshinshi tulǵanyń paıdasyna zańsyz berýdi sheshken. Memleketke shyǵyn somasy 543 myń teńgeni qurady.
Basty sot talqylaýy taıaý ýaqytta ótedi.
