Arqalyqta ózine ózi qol salǵan oqýshy qatardaǵy otbasynan shyqqan
QOSTANAI. QazAqparat - Arqalyqta 11 jastaǵy mektep oqýshysy kapron arqanǵa asylyp qaldy. Bul aqparatty Qostanaı oblysy ІІD baspasóz qyzmeti rastady.
QazAqparat tilshisiniń anyqtaýynsha, ózine ózi qol salǵan jasóspirim qatardaǵy otbasynan shyqqan. Onyń kópshil, oqý úlgerimi jaqsy, sportpen belsendi aınalysatynyn aıtýda. Kórshileri men muǵalimderiniń aıtýynsha, otbasynda aıtarlyqtaı kúrdeli máseleler bolmaǵan.
Qaza bolǵan kúni ol sabaqtan úıge kelip, jeke úı aýlasynda serýendeımin dep shyǵyp ketken. Biraz ýaqyttan soń, túski asqa shaqyryp, izdeýge shyqqan ápkesi onyń asylyp turǵanyn kórgen. Bala denesinen eshqandaı dene zaqymdary tabylmady.
Balany ólimge ıtermeleıtin eshqandaı sebep bolmaǵan biraq bul bap boıynsha tergeý jumystary áli júrgizilip jatyr.
