Arqalyqta máslıhattyń bas esepshisine qatysty sot úkimi shyqty
QOSTANAI. QazAqparat - Arqalyqtyń qalalyq soty Arqalyq qalalyq máslıhatynyń bas esepshisine qatysty úkim shyǵardy, dep habarlaıdy QazAqparat tilshisi.
51 jastaǵy Leıla Barakova qyzmette júrip, 2011-2017 jyldar aralyǵynda óziniń banktegi shotyna 1 274 663 teńge zańsyz qarajat aýdarǵan. Oǵan qosa nesıesin óteý úshin shaǵyn nesıe uıymynyń shotyna 125 myń teńge jibergen. Memlekettik mekemege keltirgen zalal kólemi - shamamen 1,4 mln teńge.
Leıla Barakovanyń kúıeýi, úsh balasy bar. Qylmyskerdiń aıtýynsha qarajatty balasynyń oqýy úshin jáne materıaldyq jaǵdaıy qıyndap ketkesin aýdaryp otyrǵan.
Sot eks-býhgalterdi bes jyl merzimge bas bostandyǵynan aıyrý túrindegi jazaǵa tartty. Onyń barlyq múlki tárkilenip, ómir boıy memlekettik laýazymdy qyzmet atqarý quqyǵynan shettetildi. Ol jazasyn qylmystyq-atqarý júıesiniń qaýipsizdigi ortasha túzetý mekemesinde óteıdi.
L. Barakova sot zalynda qamaýǵa alyndy.
Úkim zańdy kúshine engen joq.
