Arqalyqta kópqabatty úıden órt shyqty
QOSTANAI. QazAqparat - Arqalyq qalasyndaǵy bes qabatty turǵyn úıden órt shyǵyp, 16 adam qutqaryldy, dep habarlaıdy QazAqparat QR ІІM Tótenshe jaǵdaılar komıtetiniń resmı ókili Rýslan Imanqulovqa silteme jasap.
Oqys oqıǵa keshe Arqalyq qalasyndaǵy Maıkótov kóshesiniń boıynda ornalasqan bes qabatty turǵyn úıde bolǵan. Qyzyl jalyn osy úıdiń tórtinshi qabatyndaǵy páterden shyqty.
«16 lıtrlik gaz ballonynan aqaý shyǵyp, órtengen. Turǵyndar ballondy baspaldaqqa shyǵarǵan soń, ashyq jalyn kórshi páterdiń esigin sharpyǵan. Órt sóndirý bólimsheleri ishki ister organdarymen birlese otyryp, 16 adamdy qaýipsiz jerge kóshirdi. Gazben ýlanǵan 4 adam aýrýhanaǵa jatqyzyldy. Órt sóndirý-qutqarý jumystaryna Qostanaı oblysy TJD quramynyń toǵyz qyzmetkeri men bir tehnıkasy jumyldyryldy», - dep habarlady Imanqulov.
Keıin belgili bolǵandaı, Arqalyq qalalyq №2 mamandandyrylǵan jasaǵynyń aǵa serjanty Jandos Ysqaq oqıǵa ornyna jetip, órt sóndirý sharalaryn dereý júzege asyrdy. Ol janyp jatqan ballondy syrtqa alyp shyqqan.
Órt tolyǵymen saǵat 18:27-de aýyzdyqtaldy.
