Arqalyqta kópqabatty úı órtenip, 20 adam evakýatsııalandy
QOSTANAI. QazAqparat - Búgin Arqalyq qalasynda kópqabatty turǵyn úıden órt shyqty, dep habarlaıdy QazAqparat.
Búgin saǵat 09:16-da Arqalyq qalasy órtke qarsy qyzmet pýltine kópqabatty úıdegi órt týraly habar kelip tústi.
«Jalyn úıdiń úshinshi qabatynan shyqqan. Órt sóndirý qyzmeti avtosaty arqyly 4-qabattan 2010 jyly týǵan balany, 3 eresek adamdy túsirip aldy. Barlyǵy kópqabatty úıden 20 adam qutqaryldy. Onyń 7-eýi - bala. Kómirqyshqyl gazyna ýlanǵan 5 turǵyn aýrýhanaǵa jetkizildi», - dedi QR ІІM Tótenshe jaǵdaılar komıtetiniń resmı ókili Nursultan Nurahmetov.
Órt 10 sharshy metr aýmaqty sharpyǵan. 09:44-te tolyǵymen sóndirildi. Sóndirý jumystaryna Qostanaı oblysy TJD jeke quramynan 14 adam jáne 3 órt sóndirý tehnıkasy jumyldyryldy.
