Arqalyqta kópirden ózenge qulap ketken oqýshy qutqaryldy

QOSTANAI. QazAqparat - Arqalyqta polıtseıler kópirden ózenge qulap ketken oqýshyny qutqaryp qaldy, dep habarlaıdy QazAqparat.

ІІM málimetinshe, 102 pýltine jas qyzdyń sýǵa qulaǵany týraly shaqyrtý kelip túsken.

Oqıǵa ornyna avtopatrýldiń eki ekıpajy jedel túrde jetti.

«Polıtsııa qyzmetkerleri Ámirjan Tobylbaev pen Dúısenbaı Sábıtbekov qutqarý quraldaryn paıdalanyp, birden sýǵa sekirdi. Ony jaǵaǵa shyǵarǵannan keıin Rýslan Kapsamatov qyzǵa alǵashqy medıtsınalyq kómek kórsetti.

Polıtseıler jábirlenýshini jedel medıtsınalyq járdemniń mamandaryna tapsyrdy. Ol gıpotermııa dıagnozymen aýrýhanaǵa jatqyzyldy», - dep jazdy vedomstvodan.

Keıinirek 16 jastaǵy mektep oqýshysy abaısyzda sýǵa qulap ketkeni anyqtaldy.