Arqalyqta kıller jaldaǵan áıelge sot jazany jeńildetken joq
ASTANA. QazAqparat - Arqalyqta óziniń kóńildesin óltirý úshin kıller jaldaǵan áıel 11 jylǵa bas bostandyǵynan aıyryldy, dep habarlaıdy QazAqparat Qostanaı oblystyq sotyna silteme jasap.
«Qostanaı oblystyq soty qylmystyq is boıynsha aıyptalýshy Oraza Qabyldyń qorǵaýshysy joldaǵan aryzdy qarady. Sottalýshynyń qorǵaýshysy atalǵan aryzda sottyń birinshi ınstantsııasy shyǵarǵan úkimdi bes jylǵa deıin qysqartýdy suraǵan bolatyn. Qostanaı oblystyq soty jazany jeńildetýge esh negiz tapqan joq. Birinshi ınstantsııanyń úkimi ózgerissiz qaldyryldy jáne kúshine endi», - delingen habarlamada.
Eske sala keteıik, 2016 jyly kúzde Qostanaı oblystyq mamandandyrylǵan aýdanaralyq qylmystyq ister boıynsha soty Arqalyq qalasynyń 54 jastaǵy turǵyny Oraza Qabyl esimdi áıeldi bas bostandyǵynan aıyrdy. Sot úkimimen áıelge 11 jyl 3 aıǵa bas bostandyǵynan aıyrý jazasy kesildi. Ol jazasyn jalpy rejimdegi kolonııada óteıtin bolady.
«Osy jyldyń mamyr aıynda áıel óziniń tanysyna azamattyq nekede turatyn er adamdy óltirýge tapsyrys beredi. Tanysy 70 myń teńge úshin adam óltirýge daıyn bir adamdy tabady. Osymen tarasqan. Osy usynys birneshe ret qaıtalanǵannan keıin jáne áıeldiń oıy shyn máninde ekenin túsingen tanysy Arqalyq qalasynyń ІІB baryp mán-jaıdy aıtyp bergen. Polıtseıler osy iske kirisken. Áıel adam kisi óltirýshige 5 myń teńge bergen, al isti bitirgen soń qalǵanyn beremin dep ýáde etken. 15 maýsymda áıeldiń azamattyq nekede turǵan kúıeýiniń ólimin qoldan jasap, telefony men qanǵa boıalǵan panamasyn bergen. Áıel adamnyń oıy qylmysqa jatatyn bolǵandyqtan, ol oqıǵa ornynda ustaldy", - delingen oblystyq sot baspasóz qyzmetiniń málimetinde.
