Arqalyqta qar qursaýynda qalǵan 14 jolaýshy qutqaryldy
QOSTANAI. QazAqparat - Arqalyq-Jezqazǵan tasjolynda qar qursaýynda qalǵan 14 adam qutqaryldy, dep habarlaıdy QazAqparat oblystyq TJD baspasóz qyzmetine silteme jasap.
Búgin saǵat 09:00 shamasynda oblystyq TJD kezekshi bólimine «Arqalyq-Jezqazǵan» tasjolynda 2 jeńil kóliktiń turyp qalǵany týraly habar túsken.
«Jalǵyztal aýylynan 15 shaqyrym jerde Toyota «Corolla» jáne «Gazel» markaly eki avtokólik qar qursaýynda qalyp qoıǵan. Kólikterdiń ishinde barlyǵy 14 adam boldy», - dedi TJD baspasóz hatshysy Ýálıhan Dosanov.
Oqıǵa ornyna Arqalyq qalasy Soltústik óńirlik aeromobıldi jedel-qutqarý jasaǵy jumyldyryldy. Olar arnaıy kóliktermen joldy tazalap, adamdardy oqshaý jerge kóshirdi. Qutqarýshylar toby qar qursaýynda qalǵan adamdardy Arqalyq qalasyna jetkizdi.
