Arqalyqta etanoldan ýlanǵan 11 adam kóz jumdy
QOSTANAI. QazAqparat – Arqalyqta birneshe adam etanoldan ýlanyp qaldy, dep habarlaıdy QazAqparat.
Aqparatty oblystyq polıtsııa departamentiniń baspasóz qyzmeti rastady.
«Arqalyq qalasynda bir táýlikte etanoldan ýlanyp qalǵan 11 adamnyń ekeýiniń ólim sebebi anyqtaldy. Naýqastardyń alǵashqy legi 3 shilde kúni saǵat 5:20 kezinde aýrýhanaǵa túsken. Búgin ýlanǵan 9 adam kóz jumdy. Qazirgi ýaqytta osy fakt boıynsha polıtsııa QR QK 306-babymen (Qaýipsizdik talaptaryna sáıkes kelmeıtin taýarlardy shyǵarý nemese satý, jumystardy atqarý nemese qyzmet kórsetý) sotqa deıingi tergeý amaldaryn bastady. Arnaıy saraptama bekitildi. Qajetti tergeý sharalary júrgizilýde», delingen polıtsııanyń aqparattyq habarlamasynda.
Mamandar qylmystyq istiń barysyn baqylaýǵa aldy.
