Arqalyqta bir mezette 1000 dombyrashy qazaq kúılerin oryndady

ARQALYQ. QazAqparat – Ulttyq dombyra kúni jáne Ahmet Baıtursynulynyń 150 jyldyq mereıtoıy aıasynda Arqalyq qalasynda 1000 dombyrashy bir mezette qazaqtyń tanymal kúılerin oryndady, dep habarlaıdy QazAqparat tilshisi.

Ulttyq óner dáriptelgen sharaǵa qalalyq halyq aspaptar orkestri men shahar turǵyndary qatysty.

«Orkestr «Tepeńkók», «Salkúreń» sııaqty halyq kúılerin, Qurmanǵazynyń «Balbyraýyn», Nurhan Ahmetbekovtyń «Jeńis», Nurǵısa Tilendıevtiń «Álqıssa» kúılerin naqyshyna keltire oryndady. Osy sharaǵa daıyndyq barysynda 700 adam qolyna alǵash ret dombyra ustaǵan», - dep málim etti Qostanaı oblystyq Mádenıet basqarmasynyń baspasóz qyzmeti.

Kúı shertkenderdiń eń úlkeni - 87 jastaǵy dombyrashy bolsa, eń kishkentaıy - 8 jastaǵy ónerpaz. Sondaı-aq, shara barysynda bir áýlettiń 22 múshesi óner kórsetti.

Vıdeo avtory: Esbol Jatqanov

Vıdeodan alynǵan kadr