Arqalyqta astyq alqabyndaǵy órtten er adam qaza tapty
QOSTANAI. QazAqparat - Arqalyq qalasynda astyq alqabynda órt shyǵyp, er adam qaza tapty, dep habarlaıdy QazAqparat.
Qaıtys bolǵan adam kórshiles oblystan osyndaǵy sharýa qojalyǵyna jumys isteý úshin kelgen. Oblystyq tótenshe jaǵdaılar departamentiniń habarlaýynsha, órt qaýipsizdik talaptaryn oryndamaǵandyqtan bolyp otyr.
«Óndiristegi órtter qaýipsizdik qaǵıdalaryn saqtamaýdan, qorshaǵan ortanyń qaýipsizdigi men ózindik qaýipsizdikterine salǵyrt qaraýǵa baılanysty jıi oryn alady. Bul jolǵy bolǵan órttiń shyǵýyna aldyn ala sebep retinde jumyskerdiń mas kúıinde temeki shegý barysynda otty uqypsyz paıdalanýy qarastyrylyp otyr» - delingen habarlamada.
Qostanaı oblysynyń TJD halyqty oqytý jáne aqparattandyrý toby barlyq azamattardy órt qaýipsizdik qaǵıdalaryn múltiksiz oryndaýǵa jáne saqtaýǵa shaqyrady.
