Arqalyqta 14 adamnan zábir kórgen qyz júkti bolyp qalǵan
QOSTANAI. QazAqparat - Oblystyq ishki ister departamenti Arqalyq qalasyndaǵy qyz zorlaý faktisine qatysty pikir bildirdi, dep habarlaıdy QazAqparat.
Іs materıaldaryna súıensek, jaqynda Arqalyq qalasy Ekidiń aýylynyń 22 jastaǵy turǵyny ózin 14 adamnyń zorlaǵanyn aıtyp, belgili advokat Aıman Omarovaǵa hat jazǵan. Jábirlenýshi ózine zábir kórsetkenderdiń barlyǵy da bostandyqta júrgenin aıtyp, zańgerden kómek suraıdy.
Atalǵan fakt boıynsha Qostanaılyq polıtseıler sotqa deıingi tergeý jumystaryn bastady.
«Ekidiń aýylyndaǵy 22 jastaǵy qyzdy zorlaý faktisi boıynsha QR QK 120-babymen sotqa deıingi tergeý amaldary júrgiziledi. Qylmystyq is boıynsha jedel-iz kesý toby quryldy. Tájirıbeli mamandar keshendi sharalar uıymdastyrady. Bul is oblystyq ІІD aıryqsha baqylaýyna alyndy», - dedi oblystyq ІІD baspasóz hatshysy Irına Bejenar agenttik tilshisine.
Aıta keteıik, 14 adamnan zábir kórdim degen qyzdyń qazir aıaǵy aýyr. Ol 2018 jyly 19 sáýirde Arqalyq qalasynyń ishki ister bólimine aryz jazǵan.
