Arqalyqta 12 jasar balany ıt talap tastady
QOSTANAI. QazAqparat - Arqalyq qalasynda qańǵybas ıt 12 jasar balany talap tastady. Bul oqıǵa týraly Soltústik óńirlik aeromobıldi jedel-qutqarý jasaǵy málimet berdi, dep habarlaıdy QazAqparat.
Oqıǵa Arqalyq qalasyna qarasty Ashýtasty eldimekeninde bolǵan.
«112 nómirine Ashýtasty aýylynyń 1992 jyly týǵan turǵynynan habar tústi. Aıtýynsha, qasqyrǵa uqsaıtyn ıt 12 jasar balany talap tastaǵan. Budan bólek, qańǵybas ıt taǵy bir aýyl turǵynyna shabýyldamaq bolǵan. Biraq, ol ıtti óltirip tastady» - deıdi jedel jasaqtyń basshysy Sergeı Shmıdt.
Kýágerlerdiń sózinshe, bul kezbe ıt rasymen de qasqyrǵa uqsaıdy. Qazirgi ýaqytta jábirlenýshiler Arqalyq qalasynyń aýrýhanasyna jetkizildi. Tıisti saraptama jumystary júrgizilýde.
