Arqalyq turǵyny úı kezeginen zańsyz shyǵarylǵan
QOSTANAI. QazAqparat - Arqalyq qalasy ákimdiginiń turǵyn úı-kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspektsııasy bólimi qala turǵynyn úı kezeginen zańsyz alyp tastaǵan. Bul týraly oblystyq sotta ótken jıynda málim etildi, dep habarlaıdy QazAqparat tilshisi.
Azamatsha T. 2012 jyldyń tamyzynda turǵyn úıge muqtaj azamattar tizimine tirkelgen. Sol jyly ol saǵat sanynyń azdyǵyna baılanysty Arqalyq medıtsınalyq kolledjinen jumystan shyǵyp, Y.Altynsarın atyndaǵy Arqalyq memlekettik pedagogıkalyq ınstıtýtyna jumysqa ornalasqan. Sondaı-aq, aryzdanýshy - úshinshi toptaǵy múgedek.
«Talapker T. 2016 jyldyń sáýirinde jumys ornyn aýystyrǵany jóninde anyqtama tapsyrmaýyna baılanysty turǵyn úıge muqtaj azamattar tiziminen alynyp tastalǵan. Osyǵan oraı, shaǵym ıesi memlekettik mekemeniń turǵyn úıge muqtaj azamattar tiziminen ózin alyp tastaý áreketin zańsyz dep sanady», - delindi oblystyq sotta.
Іsti qaraý nátıjesi boıynsha, sot azamatsha T-ny turǵyn úıge muqtaj azamattar tiziminen shyǵarylýyn zańsyz dep tanyp, talapkerdiń aryzy qanaǵattandyryldy.
Sheshim zańdy kúshine engen joq.
