Arqalyq-Torǵaı tasjolynda 5 kólik soǵylyp, bir adam qaza boldy

ASTANA. QazAqparat – Arqalyq-Torǵaı tasjolynda 5 kólik jol apatyna ushyrap, bir adam oqıǵa ornynda qaza boldy, dep habarlaıdy QazAqparat polisia.kz telegram kanalyna silteme jasap.

«Búgin, saǵat 14:03-te Arqalyq-Torǵaı tas jolynda «Toyota» júrgizýshisi qarsy qozǵalys jolaǵyna shyǵyp ketip, bes avtokólik apatqa ushyrady. Aldymen, ol «Nıssan» avtokóligimen, odan keıin taǵy úsh kólikpen soqtyǵysqan», - dedi Arqalyq qalasy polıtsııa basqarmasy bastyǵynyń mindetin atqarýshy Talǵat Balǵojın.

«Nıssan» júrgizýshisi oqıǵa ornynda qaza tapty. Barlyǵy 9 adam zardap shekti, olardyń úsheýi jan saqtaýynda bóliminde jatyr.

Sotqa deıingi tergeý bastalyp, qajetti saraptamalar taǵaıyndaldy.