Arqalyq polıtseıleri janyp jatqan úıden birneshe adamdy alyp shyqty

QOSTANAI.QazAqparat – Arqalyq qalasynda turǵyn úı órtenip, birneshe adam qutqaryldy, dep habarlaıdy QazAqparat tilshisi Oblystyq polıtsııa departamentiniń baspasóz qyzmetine silteme jasap.

Oqıǵa Arqalyq qalasyndaǵy №5 úıde bolǵan. Turǵyndar polıtsııaǵa Baıtursynov kóshesindegi úıden órt shyqqanyn habarlady.

Oqıǵa ornyna polıtsııa serjanty Beıbit Aslan men polıtsııa kapıtany Alısa Bısembaeva bardy. Olar osy kúni qalalyq polıtsııa basqarmasynda kezekshi avtopatrýlde bolǵan. Tártip saqshyoary órt sóndirý brıgadasyn kútpeı, ​ turǵyndardy órt shyqqan úıden evakýatsııalady.

«Osy sátte úı turǵy Natalıa Lysaıa páterde inisiniń qalyp qoıǵanyn aıtty. Polıtseıler ekinshi qabatqa kóterilip, tútin arasynan jas jigitti izdeı bastady.Birneshe mınýt ishinde polıtseıler ony taýyp alyp, syrtqa shyǵardy» delingen polıtsııa aqparatynda.

Al, Natalıa Lysaıanyń ózi órt bastalǵanda birden dalaǵa shyǵyp úlgergen. Іnisi óz bólmesinde uıyqtap jatqan.

«Іnim ózdigimen shyǵa almady. Onyń bólmesin ot jalyny sharpyp turdy. Polıtseıler kóp oılanbastan órt ishine kirip ketti. Olardyń erligin úı turǵyndary umytpaıtyn bolady», - deıdi Natalıa Lysaıa.

Arqalyq qalasynyń órt sóndirýshileri kelip, qyzyl jalyn aýyzdyqtalǵannan keıin polıtseıler qyzmetin ary qaraı jalǵastyrýǵa ketti.

Órttiń naqty sebepteri anyqtalýda.