Arqalyq mańynda joǵalyp ketken tórt adam tabyldy
ASTANA. QazAqparat - Arqalyq mańynda joǵalyp ketken tórt adam tabyldy, dep habarlaıdy «QazAqparat» HAA QR ІІM TJK baspasóz qyzmetine silteme jasap.
Soltústik óńirlik aeromobıldik jedel-qutqarý jasaǵynyń qutqarýshylary 8 naýryz kúni saǵat 10:35-te Arqalyq qalasynyń mańynda joǵalyp ketken tórt adamdy tapty. Olar 6 naýryz kúni júk kóligimen Aqmola oblysyna jol tartyp, sodan iz-túzsiz joǵalyp ketken edi.
«Olardyń júk kóligindegi aqaý saldarynan qalyp qoıǵandyǵy anyqtaldy. Qutqarýshylar tórt adamdy Arqalyq qalasyna jetkizdi», - delingen habarlamada.
