Arqalyq qalasynyń jylý elektr ortalyǵynda apat boldy
Áleýmettik jelide JEO-da bolǵan apattyń vıdeosy tarap jatyr.
Jergilikti bılik jaǵdaıǵa qatysty túsinik berdi.
«Saǵat 17.00 shamasynda qalalyq JEO-nyń jylý qazandyǵynda aýqymdy emes jarylys boldy. Saldarynan qazandyqtyń qaptamasy buzyldy. Sý jylytatyn – ekinshi jáne úsh bý qazandyǵy búlingen joq. Qaza bolǵandar jáne jumysshylar arasynda zardap shekkender joq. Atalǵan aqaý jylý men sý berýge áser etpeıdi», - dedi Arqaly qalasy ákimdiginen.
Sondaı-aq málim etilgendeı, jóndeý sharalary jumys tártibimen atqarylatyn bolady.
Onymen qosa, qala bıligi azamattardan áleýmettik jelide jalǵan málimet taratpaýdy suraıdy.
Aıta keteıik, Arqalyq jylý elektr ortalyǵy aýqymdy rekonstrýktsııadan keıin byltyrǵy kúzde iske qosylǵan bolatyn. Bul JEO-ǵa mazýttan kómirge kóshýge múmkindik berdi.
