Arqalyq qalasynda jańa keshenniń qurylysy bastalady
QOSTANAI. QazAqparat – Arqalyq qalasynda mal sharýashylyǵy kesheniniń qurylysy bastaldy. Bul týraly oblys ákimi Arhımed Muhambetov oblystyq qoǵamdyq keńes aldynda esep berý jıynynda aıtty, dep habarlaıdy QazAqparat.
«Arqalyq qalasynda mal sharýashylyǵy kesheniniń qurylysy bastaldy. Keshende 7,5 myń bas maldy ósirýge bolady. Onyń ishinde 5 myń basqa arnalǵan mal bordaqylaý alańy men 2,5 myń basqa arnalǵan asyl tuqymdy reprodýktor bolady. Joba quny 6 mlrd teńge. Bul mal bordaqylaý alańy 2018 jyly iske qosylǵan «Torǵaı Et» jaýapkershiligi shekteýli seriktestiginiń et óńdeý keshenin jylyna 3 000 tonna shıkizatpen qamtamasyz etetin bolady», - dedi oblys ákimi.
Arhımed Muhambetov Qostanaı qalasyndaǵy Indýstrııalyq aımaqtyń jumysymen tanystyrdy. Munda qazir reseılik ınvestorlar arqyly temirjol vagondarynyń quıma óndirisin ornalastyrý máselesi pysyqtalýda.
Sondaı-aq, agroónerkásip kesheni salasynda jergilikti kompanııa jyl saıyn 600 myń tonna astyq óńdeý qýattylyǵymen aýyl sharýashylyǵy daqyldaryn tereńdete óńdeý jobasyn iske asyryp jatyr.
Indýstrııalyq aımaqta «KamAZ» arnaıy tehnıkasynyń bólshekteri shyǵarylady. Ónerkásiptik kooperatsııa sheńberinde bul jobaǵa 100 mlrd teńgeden qarjy quıylmaq.
