Arqalyq qalasynda PTR-zerthana ashyldy

QOSTANAI.QazAqparat – Arqalyq óńirlik aýrýhanasynan juqpaly indettiń belgilerin anyqtaıtyn PTR-zerthana ashyldy, dep habarlaıdy QazAqparat oblys ákimdigi janyndaǵy jedel shtabqa silteme jasap.

Jańa zerthananyń jumysyn Arqalyq qalasynyń ortalyq aýrýhanasy júıelep otyrady. Jańa zerthananyń kómegimen endi dárigerler KVI synaq nátıjelerin qysqa merzimde anyqtaıdy.

«Ótken jyl Arqalyq qalasy úshin de ońaıǵa tıgen joq. Ásirese jaz aılarynda bizge syrqattardyń dıagnozyn anyqtaý óte qıynǵa soqty. Óıtkeni, naýqastardan alynǵan bıomaterıaldardy oblys ortalyǵyna jiberip otyrdyq. Odan keıin ol taldaý qorytyndysyn bir aptaǵa deıin kútýge týra keletin. Mine bul másele de oń sheshimin tapty. Eń bastysy, zamanaýı qurylǵylardyń kómegimen aýrý belgileri jyldam anyqtalyp, naýqastarǵa tez arada qajetti medıtsınalyq kómek kórsetiletin bolady», – deıdi aýrýhananyń ınfektsıonıst dárigeri Svetlana Tursynova.

Aıta keteıik, oblysta KVI dıagnostıkasy 5 zerthanada júrgiziledi. Olardyń úsheýi Qostanaı qalasynda ornalasqan.