Arqalyq qalasynda emhana qyzmetkeri koronavırýs juqtyrǵan
ARQALYQ. QazAqparat – Arqalyq qalasynyń ákimdigi janynan koronavırýstyq ınfektsııanyń paıda bolýy men taralýyna jol bermeý maqsatynda óńirlik komıssııa quryldy, dep habarlaıdy QazAqparat tilshisi Memlekettik óńirlik shtabqa silteme jasap.
«2020 jylǵy 18 sáýirde Arqalyq qalasynda COVID–19 aýrýynyń bir faktisi tirkeldi. Syrqattanyp qalǵan áıel - Arqalyq óńirlik emhanasynyń zerthanashysy. Juqtyrýdiń kózi anyqtalyp jatyr. Qyzmetine baılanysty indetti juqtyrý táýekeli joǵary bolǵandyqtan, eki apta karantındik biliminde jatqyzyldy, SOVID-19 dıagnozy rastalǵannan keıin naýqas áıel ınfektsııalyq bólimine aýystyryldy. 14 kún boıy aýrýhanada emdelip jatty, eshkimmen baılanyspady jáne Arqalyq qalasynyń turǵyndary úshin epıdemıologııalyq qaýip tóndirmedi. Koronavırýstyq ınfektsııasy anyqtalǵandyqtan, naýqaspen jaqyn qarym-qatynasta bolǵan barlyq medıtsınalyq qyzmetkerler aýrýhanaǵa jatqyzyldy jáne tekserildi», - delingen shtab aqparatynda.
Shekteý sharalarynyń aıasynda Jezqazǵan-Petropavl tasjolyndaǵy №12 jáne №13 blokposttar ornatyldy. Sonymen qatar Arqalyq-Torǵaı tasjolynda sanıtarlyq post qoıyldy.
Búginde Arqalyqta karantındik bólimshege 11 adam jatqyzyldy. Olar – Reseı Federatsııasynan kelgen jáne naýqastarmen baılanysta bolǵandar. Úı karantıninde – 64 adam, barlyǵy polıtsııa qyzmetkerleriniń baqylaýynda.
Sondaı-aq, komıssııa Arqalyq qalasynda usynylǵan sharalardyń saqtalýyn, onyń ishinde eń qajetti ónimderdiń baǵasyn baqylaý úshin kún saıyn reıd júrgizýde.
